Ibilbideak: Itzulia, jaitsiera beste bide batetik

Lurraldeak

Ibilbide mota

inaxio-k sortua, 2015, otsaila 22 - 10:08
Kategoriak Nafarroa
ABIAPUNTUA Endarako urtegia
Eskema Endara urtegia - GR11 - Telleriako lepoa - Kopakarri - Telleriako lepoa - San Anton ermita - Endara urtegia

Ibilbide laburra eta erraza, baina aldapatsua. San Anton ermitaren inguruan dagoen aparkalekuan edo goragoko jatetxearenean autoa utzi eta GR11aren arrastoa bilatu behar da: jatetxearen azpi aldeko larretik abiatu eta Ekialdera jotzen du, erreka-zokotik gehiegi aldendu gabe Telleriako lepora iristeko. GR11aren seinale zuri-gorriak ikus daitezke nonahi.

inaxio-k sortua, 2015, urtarrila 11 - 12:34
Kategoriak Gipuzkoa
ABIAPUNTUA Ugaldetxo
Eskema Ugaldetxo - Aparrain - Lizarregi - Untzue - Gorostegi - Oberan - Saratze - Argorri - Ugaldetxo.

Ugaldetxoko Jatetxetik abiatu eta pista zabal batean gora abiatzen da bidea. Ondo seinalatuta dago bidea. Basogintzarako pistak jarraituz helduko gara Lizarregiko lepora. Han Urdaburu aldera jo eta laster egingo dugu topo Urdaburuko itzulia egiteko erabiltzen den bidearekin. Bidegurutze horretan Ekialdera go behar dugu, Untzueko lepora doan bidean PRaren seinalei jarraituz.

inaxio-k sortua, 2015, urtarrila 6 - 13:31
Kategoriak Gipuzkoa
ABIAPUNTUA Latsa (Hernani)
Eskema Latsa - Agiñagako gaina - Azerilepo - Artegietako gaina - Lizarregi - Zuarkazu - Igoringo lepoa - Arritxieta - Akola - Latsa

"Usoko itzulia" izenarekin ikusi dut antzeko ibilibideren bat baina ez da harekin bat etorriko seguru aski erabat. Agiñagako gaina, Urdaburu eta Usoko bailara inguratzen duten tontorrak bilatzen ditu bide honek, eta baita Igoin-Akola aldeko trikuharriak. Leku askotan ikusi ditut marka zuri-hori, zuri-berde eta zuri-gorriak, baina ez diet jaramonik egin.

inaxio-k sortua, 2014, azaroa 30 - 09:55
Kategoriak Gipuzkoa
ABIAPUNTUA Lezo
Eskema Lezo - Lehenengo dorrea - Mitxintxola - Pasaiako badiako sarrera - Donibane - Lezo

Lezoko Kultur Etxearen ingurutik abiatu eta aldapari ekiten dio berehala ibilbideak, lezoar askok Jaizkibelera igotzeko urteetan zehar sakondutako arrastoan gora. Beste hainbat bidezidor gurutzatuko ditugu bidean, arreta jarri beharra dago bidegurutzeetan. Bizkarrera iristean Mendebaldera jo behar dugu, lehenego dorrearekin topo egin arte. Handik errepidera jaitsi eta beste aldean jarraitzen duen bidezidorrari jarraituko diogu, Talaia bidearen markak jarraituz, Mitxintxola izeneko muinoaren oinera heldu arte.

inaxio-k sortua, 2014, azaroa 4 - 22:44
Kategoriak Araba
ABIAPUNTUA Durruma (San Román)
Eskema Durruma - Atau mt. - Surbe - Mirutegi - Ballo - Bikuña mt. - Durruma
ietxaburu-k sortua, 2014, azaroa 1 - 23:05
ABIAPUNTUA Aldude
Eskema Aldude - Urepel - Lindus - Urepel

Igoera eta jaitsiera leku desberdinetatik egin nahian, autoa Alduden (370 m.) utzita, mapan errekaren ezker aldetik markatzen duen pistatik Urepeleraino joan nahi nuen. Baina laster etxalde batean bukatu zen eta errepidera atera behar izan nuen. Beraz errepidea jarraitu Urepeleraino eta han jarraitu aurrera erreka nagusiaren eskuinetik (bera eskuinean dugula).

inaxio-k sortua, 2014, urria 21 - 19:57
Kategoriak Nafarroa
ABIAPUNTUA Uharte-Arakil
Eskema Uharte-Arakil - Beriain - Ihurbain - Unanu aldeko jaitsiera - Artzainen bidea - Uharte-Arakil

Ibilbidea Uharte-Arakilgo Itsasi auzoan hasi eta Kilometro bertikalaren arrastoa jarraitzen du lehenengo kilometroetan. Arrastoa nabarmena da. Hasieran ariztian barrena doa, aldapa handirik gabe, baina pagadira heldu orduko aldapa asko handitzen da eta ez du arnasa berritzeko betarik ematen gain aldera heldu arte. Kilometro bertikalaren bidea eta guk jarraitzen duguna lehenago bereizten dira: aldapa zakar batean gora egiten du kilometroarenak eta gureak aldapa leunagoak bilatzen ditu zeharbideak baliatu eta Ekialera joz.

inaxio-k sortua, 2014, urria 11 - 09:19
Kategoriak Iparraldea
ABIAPUNTUA Biriatu
Eskema Biriatu - GR10 - Xoldoko gaina - Osingo lepoa - Manddale - Ibardin - Urtegia - Kalbarioa - Biriatu

Biriatuko sarrerako aparkalekutik abiatzen da ibilbidea, elizaren aldamenetik pasa eta errepidera jaitsita GR10 ibilbideari jarraitzen dio aldapari ekiteko. Ezker eta eskubi aldetik bereizten diren bideak bazterrean utziz gora egiten duen bide arrastoa jarraituko dugu, mendiaren harrizko gandorrera heldu arte. Norabide-mahai bat topatuko dugu bertan. Haren aldameneko pistatik jarraitu eta iratze artean gora egiten duen arrastoa bilatu behar dugu, 100 bat metro aurrerago. Handik gora arrastoari jarraitzea aski dugu Xoldoko gainera heltzeko. Harriz egindako txartelontzi bat dago bertan.

inaxio-k sortua, 2014, urria 5 - 18:10
Kategoriak Gipuzkoa
ABIAPUNTUA Ibarrola (Irun)
Eskema Ibarrola - Burutaran - Belbio - Aitzondo - Irugurutzeta - Enbido - Meazuri - Sarjiñola - Gorostardiko bidegurutzea - Erlaitz - Pagogaña - GR11 - San Martzial - Aldabe - Ibarrola

Lehenengo eta behin, GPS arrastoa ez da nirea, hemen duzue jatorria. Nik ibilbidea arrasto hori jarraituz egin nuen, aldaketa txiki batzuekin, baina nire GPSak huts asko egin zituen Aitzondoko errekaren inguruetan eta nahasgarri gerta daitekeenez, jatorrizkoa aipatu dut hemen. Nirea ikusi nahi izanez gero, hemen ikus dezakezue.

JAG-k sortua, 2014, iraila 18 - 02:51
Kategoriak Hautes-Pyrénées, Huesca
ABIAPUNTUA Col de Tentes
Eskema Tentes lepoa - Bujaruelo lepoa - Gabietuko urkulua (Forqueta) - Escuzana haranburuko lepoa - Gabietu hegoaldekoa - Gabietu iparraldekoa - Punta Turenne - Taillon - Errolan ataka - Sarradets aterpea - Bujaruelo lepoa - Tentes lepoa.

Goizean goiz abiatuta, baita eguna argitu aurretik ere, lehen ia ordu erdia errepide zen bidetik egiten baita, Tentes lepotik Bujaruelo lepora egin eta aurrera jarraitu Aragoin sartuta. Ia garaierarik galdu gabe ezkerreko horma ondotik jo, tximinia erraz-erraz batera heldu eta igo. Bidezidor baten arrastoa dago. Gabietuko tontorretik behera datorren gandor belartsu bat erraz gainditu eta ezkerreko harantxoan sartu. Irtenbiderik ez dagoela dirudi baina bidezidorrari jarraitu eta azkenean eskuinetara Gabietuko urkulura heldu (Forqueta). Ikuspegi ederra beste aldera.