Txanburu

inaxio-k sortua, 2005, ekaina 9 - 22:18
Garaiera 1135 m
Mendialdea Alaitz
Kokapena ED50 30T X.618000, Y.4728090
WGS84 42.694373 N, -1.560732 E.
Abiapuntuak Ezperun, Gerendiain, Otao.
Gertu Karbatoki mendia.
Lurraldeak Nafarroa.
Kategoriak EHMK.
images
Txanburu
Gailurra ©zuriain

Iruñerritik gorabeherarik gabeko bizkar luze baten antzera ikusten da Txanburu. Begi guztiak hurbileko Elomendik erakarrita, batek batek pentsa lezake mendi honek ez duela arreta handirik ematen. Hala ere, mendizale dezente ikusten da ezpelen arteko bideetan barrena. Nafarroako hiriburuaren hurbilak zerikusirik izanen du seguruenik arrakasta horrekin.
Aspalditik desagertu zen "Montañeros a su aire"k jarritako plastikozko buzoia, eta egun Tafallako Trinkete mendi taldearen dorretxoa dago ezpelezko itxasoaren erdian ia nabarmentzen ez den tontorrean.
M. Belaskoren Hiztegi Etimologikoan irakur dezakegu mendi honen izena seguruenik "Etxe" eta "Buru" hitzetatik datorrela, antzinako Alaitzko etxaldearen hurbiltasunagatik agian.

Irudiak








***

***

***

***

***

***

**

***

***

**

***

***

***

***

***

Lotutako orriak

Beste mendi bat izorratzen

Kaixo mendizaleok.
Aurrekoan inguru hauetan izan nintzen Otano herritik Txanburu-Irumuga egiteko asmoz. Ta sorpresa itzela hartu nuen behin gora izanda, zuhaitz mordoa lurrean eta bertatik pista zabal eta izugarri bat zegoela konturatzean. Badirudi parke eolikoa egingo dutela, gainalde guzia txikituta dago eta ez dakit oraintxe Irumuga tontorra non dagoen, nik behintzat ez nuen topatu. Penagarria eta amorru handia hartu nuen gainaldea nola dagoen ikusita. Beste mendi bat txikituta, noiz harte horrela????? Zein izango da hurrena??? non daude mendi elkartekoak??? ixilik daude honen aurrean eta beste batzuen aurrean!!! hau al da ingurumena zaintzea?
Ondo izan.

Ba lastima da, oso ingurune

Ba lastima da, oso ingurune basatia eta ederra iruditu zitzaidan azkenekoz joan nintzenean. Mendizale asko gaude, eta mendi elkarteak ere ugari dira, baina beti iruditu izan zait herrialde mailako elkarteek indar gutxi dutela oso, ehiztarien elkarteen aldean esaterako. Eta lastima da hori, holako auziak gertatzen direnean inork ez duelako aintzat hartzen mendizaleen iritzia.

Txanburuko triskantza

Nik aurreko egunean izan nuen triskantza horren berri. Txanburuko gailurra bera ere harrapatu dute? Joan den udan izan nintzen bertan, eta oso toki bakarti eta ezkutua iruditu zitzaidan. Hemendik aurrera xarma osoa galduko du. Ez dakit noraino iritsi behar dugun. Mendizaleok ez dugu indarrik, zeren, ehiztariek ez bezala, guk ez dugu dirurik ordaintzen mendian ibiltzearen truke. Ordainduko bagenu, kasu eginen gintuzkete, eta kezkatuko mendi bat izorratzeko orduan.
Orrialdeko argazkiak izanen dira aurrerantzean Txanburuko gure oroigarri bakarra.

Eskerrik asko

Kaixo Zuriain eta Galdos.
Mila esker nire galdera erantzuteagatik.

Txanburuko buzoia

Ez horregatik, Mou. Nolanahi ere, Galdosen argazkiari erreparatuta, ohartu berri naiz irudian agertzen den buzoia "Montañeros a su aire" taldekoa dela: plastikozko kutxa bat, Lakarri edo Belogain mendietakoen antzekoa. Hori litzateke 2003an desagertu zen buzoi zaharra. Baina beste argazki batzuetan metalezko dorretxo bat agertzen da, berriagoa. Beraz, baliteke dorretxoa oraindik bertan egotea... agian bihar bueltatxo bat emanen dut bertatik. Ongi izan.

Bada buzoia, bai.

Bada metalezko buzoi sendo bat, dorre itxurakoa, harripilaren ondoan. Posteak ere han jarraitzen du (2008-07-19), eta eskerrak, zaila baita bestela tontorra non dagoen antzematea.

Txanburu

Amigo Mou, puedo asegurarte que la foto es de txanburu, eso si te dire que la foto tiene mas de 10 años y el buzon ahora desaparecido tenía la siguiente inscripción:
Chamburu 1138
Montañeros a su aire
7º Finalista 1985
Un saludo

Txanburuko buzoia

Kaixo lagunok. Txanburu etxeko leihotik ikusten dudan arren, ez dago txartelontzia ikusteko bezain hurbil ;). Dena den, inteneten bilatu eta Rutas Navarras-en orrialdean agertzen den ibilaldian zera jartzen du hitzez hitz:

Cima de Txanburu.
Señalizada por un montón de piedras en un pequeño claro entre los bojes.
Junto al montón quedan los restos del buzón. Según Javier Zubieta estaba colocado por «Montañeros a su aire». Hoy no queda más que una pequeña base.

Ibilaldia 2003ko urtarrilekoa da. Harrezkeroztik buzoirik jarri ez badute, gailurra hutsik egonen da.

Ongi izan.

tontorra???????

Kaixo mendizaleok.
Jakin nahi nikek ea gaur egun txanburuko tontorra nola azaltzen den, hau da, bakarrik harri pilak dauden edo mendi talde batek ipinitako dorrea buzoi modura jarraitzen duen makilarekin batera. Ez dakit buzoia oraindik jarraitzen duen horregatik galdetzen dut.