MANDUBI ZELAIA trikuharria

Mota Trikuharria.
Eremua MURUMENDI.
Sekuentzia kulturala Kalkolitikoa.
Aurkikuntza J. Etxaniz (1997)
Kokapena
· Alt.: 574 m.
· WGS84 43.085764 lat., -2.249326 long.
· ED50 30T X.561208, Y.4770821
· Kokapen zehatza (~25m)
Egiazkotasuna Zalantzarik gabea.
Egoera Oso kaltetuta.
Gertu Kizkitza ermita, TRIKUAIZTI I tumulua, TRIKUAIZTI II tumulua, San Martin eliza, San Gregorio ermita, Gurutzea gurutzea, San Bartolome eliza, San Lorentzo ermita, Itsaso herria, Aranzadi etxe aipagarria.
images
MANDUBI ZELAIA
... ©inaxio

Non

Mandubizelaia deituriko lekuan, Mandubiko mendatetik MHM-ra 375 m.ra dagoen zelaigune batean. Mandubiko gainetik Kizkitzako baselizara doan pistatik Mandubizar baserria pasa eta pista horretan 300 m egin ondoren 100 m ezkerretara. Trikuaizti I eta II tumuluak EIE-ra kokatzen dira, 810 m.ra. Pinudi batean kokatua dago (Monterrey-ko Pinua). Seinaleztatua dago.

Azalpena

Trikuharri motz itxia. Tumulua: 16 m.ko diametroa eta 1 m eta 0,40 m arteko garaiera. 4 harlauzez osaturiko ganbara du. 4 harlauzek esparru trapezoidal bat eratzen dute. Barneko neurriak: 1,80 m luzera, eta 1,10 m eta 0,75 m arteko zabalera. Hondoan beste harlauza bat azaltzen da. 80° E-M-ra zuzendua dago. Ganbarako harlauzak kareharri tupatsuaz eginak daude eta tumulua bertako kareharri tupatsu eta basaltoaz. Indusketaren ondoren lurzoruaz estalia geratu zen.

J. Etxanizek aurkitu zuen 1997n. J.A. Mujikak induskatu zuen 1998-2000n. Aranzadiko Prehistoriako Saileko Gordailuan aurkitzen da bertan ateratako materiala.

Iturria: Gipuzkoako Karta Arkeologikoa (Aranzadi Zientzia Elkartea).

Irudiak

***





lastima da indusketa egin

lastima da indusketa egin eta gero trikuharria lurrez estalita uztea, orain ez da bertan osinek estalitako lur munto zabal bat besterik ikusten. kokapena zehaztu dut GPSaz bertan jasotakoarekin.

Kokapena nire ustez ez da zuzena

Kokapena nire ustez ez da zuzena, nik GPSaz gaur jasotakoa hau da, X-561208 Y-4770821 Z-575.

Arrazoi duzu, zuzendu eta

Arrazoi duzu, zuzendu eta gero leku egokiagoan ematen du mapa gainean. Okerreko datum-a erabiliko nuen.