Buskil eta Sarrea/Oihanburu

zuriain-k sortua, 2010, maiatza 24 - 11:28
Ibilbide mota Itzulia, jaitsiera beste bide batetik
Zailtasuna Zailtasun gutxikoa
Lurraldea Nafarroa
ABIAPUNTUA Caserio del Monte (Tafalla-Artaxoa errepideko 19.6 km)
Lotuta »Buskil (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Tafallatik Artaxoara doan errepidearen 19.6 kilometroan, eskuin aldera etxe multzo txiki bat ikusiko dugu. Caserio del Monte izenekoa da. Haren ondoan ibilbide baten kartela dago, erabat ezabatuta. Haren ondoan aparkatu eta pistan gora joanen gara, soro eta zuhaitz bakanen artean. Pista gurutze batean, suteen behaketarako etxola bat ikusiko dugu. Sarrea gainaren gailurretako bat da. Zuzenean igo gaitezke hara. Benetako gailurra iparralderago dago. Horretarako, iparraldera jotzen duten bi pistetatik edozein hartuko dugu. Ezkerrekoak soro batzuetara eramanen gaitu, eta haien ertzetik hurbilduko gara gain honetara. Usoak ehizatzeko trona bat ikusiko dugu: ideia ona paisaia apur bat zabaltzeko. Tronatik iparraldera jarraitu eta azken metroak biderik gabe eginen ditugu. Sarrea-Oihanburuko gailurrean harri pilatxo bat eta ehizako kartel batzuk besterik ez.
Aipaturiko bi pistetako bat hartuta, hegoalderantz itzuliko gara. Suteen kontrako etxolaren pareko bidegurutzean, ezkerreko pista (mendebaldekoa) hartu eta hego-ekialderantz jarraituko dugu. Landaturiko hainbat soro zeharkatuko ditugu. Hobe dugu eskuineko ertzetik joan. Azken soroaren hego-mendebaldeko iskinean, bidexka bat ikusiko dugu: zuzenean Buskilgo erpinera eramanen gaitu. Jaisteko, erpin geodesikoaren parean hasten den bidexka erabili dezakegu. Sigi-saga hasierako pistara eramanen gaitu. On egin!

Irudiak