Argibel

zuriain-k sortua, 2015, abuztua 13 - 14:00
Garaiera 856 m
Mendialdea
Kokapena ED50 30T X.607278, Y.4770675
WGS84 43.079341 N, -1.683461 E.
Abiapuntuak Artze, Donamaria
Gertu LIZASO trikuharria, BIDARTXOKO zutarria, Labeaga mendia, BASAUN trikuharria.
Lurraldeak Nafarroa.
Kategoriak Euskal Mendiak.
images
Argibel
Argibelgo maldak Bidartxoko lepoaren gainean ©zuriain

Uren banalerroko mendikatearen erdialdean, adar oihantsu bat zabaltzen da iparralderantz, Ezpeloko erreka alde batetik eta Txarutakoa bestetik utziz. Sanmigelargain (1020m) mendian hasi eta Pagoaundi (1026m) gainean du punturik gorena. Labeaga (971m) gain lerdena atzean utzita, bizkarra zorroztu eta altuera galtzen du. 1987ko Nafarroako mendien katalogoak Argibel gaina jaso bazuen ere, ez da zonaldeko gainik altuena, eta metro eskas batzutara, bizkarrak gora jarraituko du. Pagadi sakonek orografia nahasi samar bat ezkutatzen dute, eta harria zuhaitz eta landareekin nahasiko da, gure bidea zailduz zenbait tokitan. Horregatik, ez da oso gomendagarria udan eta euria egin osteko egunetan joatea, blai eginik amaituko baitugu.
Hala ere, merezi du mendialde hau ezagutzea, batez ere Txarutako errekako urjauzien parean igarotzen den bide ederrean barrena ibiltzeko, Bidartxoko lepoan jarriko gaituena. Bertan izanik, Goikorroko mendixkara igotzeko aukera izanen dugu, Argibelgo malda gogorrei ekin aurretik.

Irudiak

***

***

***

***

***

***

***

****