Illuntzar

inaxio-k sortua, 2005, ekaina 9 - 22:18
Garaiera 727 m
Mendialdea
Kokapena ED50 30T X.535210, Y.4796150
WGS84 43.315494 N, -2.567092 E.
Abiapuntuak Aulesti, Nabarniz.
Gertu Santixago ermita, San Bixenti ermita.
Lurraldeak Bizkaia.
Kategoriak EHMK.
images
Illuntzar
Gainaldeko bideak larre zaharrean barrena ©inaxio

Mendi handien trazak dauzka Illuntzarrek, nahiz eta ingurukoak baino askoz handiagoa ez izan. Gainaldeko larre eremu zabalak ematen dio handitasuna eta nahiko berezia da hori, izan ere karaitzezko mendia da, baina ez du harkaitz eremu larregirik ageri goi aldean, ez eta kostaldean hain ohikoa den artadi trinkoa karaitzaren gainean. Aulesti aldean pinu landaketak dira nagusi eta pista ugari dago: nahasgarria gerta daiteke igoerako bidea aukeratzean. Naroa auzotik abiatzen den bidearekin errazago asmatu daiteke.

Irudiak

***

***

***

***

***

***

***

****

***

***

***

***

***

***

***

***

****

***

***

**

***

***

**

***

***

***

***

***

***

**

***

**

***

**

**

Lotutako orriak

Lekeitiotik nola joan

Lekeitiotik ere igo daiteke. Insitutu atzetik Agerre baserriraino. Handik Arrakiseko sakonetik Ispastergo Goxerrira. Goixerrin Solarte baserrian Bilbora doan errepidea ukitu eta sartu berriz pista baten bila. Zementozko pista Gizaburuko Okamika auzora jaisten da. Okamikan bi mendiaren gora doan bide zabala hartu eta segi 45' gora. Aldapa pagadi batean bukatzen da, eta han eroritako baserri bat dago. Pista jarraituz gero Aulestira joan daiteke, baina guk pagaditik gora ekin, eta Galarregi eta Iluntzar artean agertuko gara. Hegoaldera joz gero Nabarnizera jaitsi gaitezke. Dena dela tontorrera 15-20' gehiago behar dira

Iluntzar eta inguruak.

Nabarnize. Herri berezia. Hango Lekerika auzoan, Santiago egunean, baselizan, sekulako paella txapelketa jendetsua dago. Bide batez Illuntzarrera igo leike edo Aulesti eta Markinaraino jarraitu bidez-bide.
Iluntzarrera igoteko, herria sortalderantza igarota, Aulestirantza alegia, ezkerretara, baserri baten ondoan, egurrezko bideseinalea dago.
Beste askotan moduan, piñu-ustiaketarako bideetan galdu zaitezke; horrela egin genuen guk, ume eta guzti (ez ahaztu ura eramatea), eta gorantz eginda azkenean lortu genuen.
Bada bide hoberik sartaldetik eta iparrerantza, zuk zeuk!
Abelgorriak zer diren han ikus dezakezu: zaldi eta behiak.

Bizkaiko paraje berriak

Gaur bertan izan gara Bizkaiko kostaldeko sabaian. Oso polita iruditu zaigu, izan ere probintzia honetako paraje berriak ezagutzeko parada eskaini dizkigu. Aipatu beharra dago Narbaizeko herri ttippiaren edertasuna, lasaitasunaren sinonimo. Tontorreko paisaiak ere harritu nau. Orduntetik Hautzarantz eta Aralar eta Gorbeiatik itsasorantz. Hagitz gomendagarria goiz lasai baterako.

PD: Ederra Narbaizeko herrikoaren txorizo razioa...