Komizko Gaina mendia

Loitzate - Mendaur mendi katearen ardatzetik pixka bat beizita gelditzen da baina kate horri lotutako gainontzeko tontorrak adina bada ia. Historiaurreko ondare oparoaz inguratuta dago eta horregatik bakarrik merezi du bisita: harrespil multzo esanguratsuak ditu bai bere hegoaldeko lepoan (Ibintza) eta bai bere iparraldeko bizkarrean (Gerasuko Ataka), eta baita IEan ere (Sorageta), nahiz eta hau horren ikusgarria ez izan. Larre-mendia da eta abere ugari larratzen da bertan, abeltzantzak itxuratutako paisaiak inguratzen du: hesiak, bordak, urraskak eta larre-motxeko hegi luzeak. Tontorra ere soila da, ikuspegi zabalekoa, apaingarririk gabekoa. Behin haraino helduz gero oso eskura gelditzen dira ardatz nagusiari lotutako beste hainbat tontor, gora-behera handirik gabe; bereziki ederra da Ekaitza aldera jotzen duen bizkarreko bidea.