Mendi apala izanagatik bere tontorrean batzen diren hegi luzeek lurralde zabala hartzen dute eta nahikoa bananduta gelditua da. Esterenzubi da tontorretik gertuen dagoen herria eta bertatik Donibane Garazira joateko igotzen den GR10 bideak asko errazten du igoera. Gainaldean larrea eta artzantzari dagokion paisaia da nagusi, han-hemenka sakabanatuta ageri diren haitz muturrekin batera. Ekialdean tontorra bera bezala haitzez koroatutako beste muino bat nabarmentzen da eta, bien artean, Buluntzako trikuharria. Gatarre izenaz ere ageri da mapatan.