Izko mendilerroak Alaitz topatzen duen tokian gain ez oso nabarmen batzuk daude, mendizaleen oharkabean pasatzen ohi direnak. Ibargoiti eta Orba ibarretara isurtzen diren adarrak baso sarriek estalita egon arren, gain hauetako gailurrak soil samarrak dira, paisaiak ikusten utziz. Gainera Alaizko eta Izkoko beste hainbat ez bezala, mendi hauek libratu dira haizerroten inbasioaz. Nolanahi ere, gaitz hori kutsakorra denez, komenigarria litzateke lehenbailehen bisitatzea, tontorrean sorpresa desatseginak topatu nahi ez baditugu.