Mota:Eliza
Beste izenak:
Asunción de Nuestra Señora
Lurraldea:Bernedo
Iraupen egoera:
Ona
Herriaren buruan, Jasokundeko Andre Mariaren Eliza parrokiala dago. Tenpluak oinplano angeluzuzena du, eta Erdi Arokoa da. Garai horretako aztarnak daude bi leihate erromanikotan eta XIII. mendeko portada protogotikoan. Arkupeak arku karpanel handi bat dauka.
1884ko dorrea karratua da eta lau arku ditu kanpaientzat. Erretaula nagusia XVIII. mendean berregin zen, baina jatorrizko elementuak kontserbatzen ditu, XVII. mende hasierakoak, hala nola erdiko gorputza osatzen duten zutabe baldarrak, ostensoriokoak, ebanjelarien erliebeak eta irudi guztiak, Jasokundekoa izan ezik.
Alboko erretaulak, XVIII. mendekoak, Arrosarioko Ama Birjinari eta Xabierko San Frantziskori eskainita daude.
Komentariorik ez..
