Mendigaina eta Ollarze (Sierragaina) gainen artean, mendi soka luze bat zabaltzen da, pinudi sarriz estalita. Lerdenz da soka honetako tontor aipagarri bakarra. Gailurrean laugarren mailako tako geodesiko bat aurkituko badugu ere, paisaia handirik ez dugu ikusiko, seinalea jarri zuten garaitik basoa asko hazi delako. Bidean, Albarri tumulu bakartia topatuko dugu.