Orrontz-Bagadigorri eta Alastrain mendiek osatzen duten murruaren atzean, Alaitz mendilerroa erliebe nahasiko gain eta sakanen geografia batekin zabaltzen da hego-ekialderantz. Baso itxiek -haien artean, hegoalderen dagoen Nafarroako pagadia- hartzen dituzte zimur guztiak, eta kontuz ibili beharko dugu bideak ez galtzeko, esperientzia desatsegina izanen baitugu.
Haizerrotek oraindik hartu ez duten gailurra dugu Larrazpileta, Alaizko bihotzean. Haren gailur bikoitzak bakarrik edo Bagadigorriarekin batera igo genitzake, eta bidenabar Alaizko bazter ezkutuak apur bat ezagutu.