Monterria ezagunetik hegoalderantz, 1987ko mendien katalogoak hainbat gain jasotzen du: Beotegia, Santa Ageda, Gurutxea, Kuruteta... Orain gutxi arte, gehienek pinudiak hartutako gailurrak zituzten, ezinezkoa beraz ikuspegi zabalik izatea bertatik.
Ez da polita gasbidearen seinaleak noizbehinka ikustea, baina duela urte batzuk basoan egindako triskantzak alde on bat izan du behintzat, Jainkoak ahazturiko gailur hauetatik paisaia pixka bat ikusi ahal izatea alegia. Horrekin eta gure geografia apur bat hobeki ezagutzeko sentipenarekin etsi beharko dugu. Ez da gutxi.