Lindusen hasi eta Donibane Garazi aldean bukatzen den mendi kate luzeko tontorrik altuena (ibilbide polita da gainez gain doana).
Bi Nafarroen arteko muga mendikatearen gainalde ia osoan zehar pasatzen da, txarrantxa ez oso eder baten moduan. Laurinagako gailurrean, txartelontzi ttikiaz gain, 161 zenbakidun mugarria aurkituko dugu.
Mendikate honetako txangoak luze eta beti-bateko samarrak izanik ere, merezi dute, batez ere inguruko paisaia ezin zabalagoak miresteko.
Mendiaren izenari dagokionez, Mikel Belaskoren hiztegian irakurtzen dugu etimologia iluna izan arren, segurua dela "aga" atzizkia eta probablea "lau" zenbakia.