Txargain ez da Andiako mendirik garaiena, baina seguruenik Ollarandik duen itxura ederrak mendizale asko erakartzen du. Harrizko piramide airoso bat da Txargain, nahiz eta Andiatik askoz ere itxura leunagoa eskaini. Ohiko igoerak Senosiain edo Artetatik abiatzen da. Askoz ere laburragoa da Artetako mendateko bihurgune batetik ateratzea: 750 metroko altueratik abiatuko gara. Azken bide hau, hain laburra izanik, egokia da beste mendiren batekin konbinatzeko, Bordas Viejas (Treku) edo Peña Blancarekin erraterako. Txargaingo gailurra balkoi paregabea da Ollaran eta inguruko mendien gainetik: Treku, Satrustegi, Txurregi, Mortxe, Sarbil...