Orion eta Ibiaga lepoen ipar-ekialdean altxatzen den erraldoi belartsu hau behatoki hoberenetako bat da Iratiko oihanaren gainean. Mendebaldetik Ezkanda mendixkak lotzen du Mendilatzekin eta iparraldetik lepo eta muino belartsu segida batek eramaten du zonaldeko beste erraldoira, Errozatera.
Ohiko abiapuntuak Orbaitzetako Ola (Izpegin barrena), Orion lepoa (Eskandako lepoan zehar) eta iparraldetik Beherobiako igoera latza dira.
Oriongo etxoletatik pasatu ondoren, GR11k mendi honen hegoaldetik igarotzen da, eta Kontrasarioko zubitxora jaitsi. Nolanahi ere, kontuz ibili behar da, zenbait mapetan GRko bidea egiaz baino askoz beherago agertzen baita. Bide markatua gaur egun ez da Mozoloko atetik (1046m) igarotzen, ehun bat metro goragotik baizik.
M. Belaskoren liburuan irakur dezakegu mendi honen izena "zahar" hitzetik datorrela.
