Skip to main content

Urepel mendia

inaxio·k

2005/06/09 - 22:18

Urepel (1059m) tontorra | ©Xabiaram (20191024)
Altuera
1.056 m
Zerrenda
Mendialdea
Abiapuntuak
Arano · Eskibar · Leitzalarrea · Plazaola. (N.)
Lurraldea

Adarran hasi eta Altzegi mendiraino iristen den kate luzeko mendirik garaiena dugu Urepel. Izan ere, hurbileko Mandoegik erpin geodesikoa duen arren, Urepel metro batzuk garaiagoa da. Alde txiki horrek, ordea, mendi hau bigarren plano batean gelditzea eragin du.
Adarra-Altzegi mendikate honek Gipuzkoa eta Nafarroaren arteko muga markatzen du hainbat kilometrotan. Mugarriak, baina, ez dira Adarraraino iristen, Unamunoko gailurrean ipar-ekialderantz egiten dute, Garagartzako gain ez oso ezagunerantz.
Mendikateko bere posizio garaiaz gain, Urepelgo gailurrak beste ezaugarri bat du: tumulu bat aurkituko dugu tontorrean bertan, monumentudun gailurren zerrenda ez oso luzeko beste kide bat.
Urepel izenak nahiko etimologia garbia du, eta Mikel Belaskok ur beroko iturri hurbil bat aipatzen du izenaren sorburutzat.

Oso gertu (< 1.000 m)

UREPEL tumulua (11 m.) · BIDEGORRIETA harrespila (533 m.) ·

Ibilbideak

Komentarioak

  • account_circle

    BatenBat (ez da egiaztatu)·k bidalia 2004·ko Martxoaren 8·an - 19:12etan·an

    Gu leitzalarreko bidetik joan ginen. Kotxea bertako parkearen ondoan utzi eta pista bat hartu genuen mendian barrena kurbak egiten abiatzen dena. Lehenengo bidegurutzean eskubitara hartu behar da eta baita bigarrengoan ere. Azkeneko bidegurutze honetan, basoa bukatzen da eta markatutako bidetik segi behar da gailurra ikusi arte. Igoera ordubete eta 15 bat minutukoa da.
    Mendi ederra eta izugarrizko bistak dauzka gainera.

  • account_circle

    Andrex·k bidalia 2006·ko Abuztuaren 23·an - 16:33etan·an

    Leitzalarreatik egin dugu. Bertan kotxea uzteko lekua badago. Handik gora dijoan pista hartu (pista aparkalekutik aurrera eginez hasten da, edo bestela, informazioko lehen panelaren ondotik hasten den bidexka batetik gora, pistara iris daiteke) eta ezkerrera egiten duen kurba batean beste bidexka bat hartu beharra dago maldan gora. Zuhaitz tartean dijoan bide zabala estutzen dijoa eta garo artean gailurrera iristen da. Oso erraza eta polita. Erritmo bixian 40 minututan gailurrean jarri gara. Jaisteko 30 minutu.

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

UREPEL tumulua (11 m.) · BIDEGORRIETA harrespila (533 m.) ·

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi