Skip to main content

Goikogane eta Kamaraka Ermutik abiatuta ibilbidea

Jose·k

2018/05/02 - 22:24

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

Abiapuntua
Ermuko Andre Mariaren Santutegia
Igoera metatua
450 m
Eskema
Ermuko Andre Mariaren santutegia - San Antonio eta Santa Apolonia ermita - Otxorteta/Otsaurreta lepoa - Goikogane - Kamaraka - Torrontegieta - Ermuko Andre Mariaren santutegia
Luzera
7.60 km
Iraupena
2 ordu 30 minutu
Lurraldea

Ibilaldi honek aurrena mendi magala zeharkatzen du ekialderantz altuera pixka bat galduz, Otxortetako lepoaren bila. Ondoren aldapa pikoarekin Goikoganara igotzen da, eta mendi-bizkarreko bidezidorra jarraituz Kamarakako tontorra harrapatzen du, Ermuara beste bide batetik jaitsi aurretik.

Ermuko Andre Mariaren Santutegira iristen den errepidetik Isusi auzorantz itzultzen hasiko gara, baina bertara iritsi gabe. San Antonio eta Santa Apoloniari eskainitako ermitaren ondotik igaro eta laster ezkerrerantz habiatzen den bidezidor bat hartuko dugu. Bidezidor hau Isusi auzunearen gainaldetik eramango gaitu, pago eta haritzen artetik, bide zabal batera jaitsi arte.

Bide hau jarraitu behar dugu tarte luze batez, leun-leun bada ere altuera galduz, ezkerrerantz irteten diren bideei jaramonik egin gabe. Otxortetako lepoan ezkerrerantz hartuko dugu, hegi aldapatsuan gora, Goikogane tontorrera iritsi arte. Ganekogortatik hego-ekialderantz luzatzen den mendilerroaren ertza izanik, ikuspegi zabalak eskaintzen ditu tontor honek.

Mendi-bizkarreko bidezidorra jarraituko dugu, Goikoganetik jaitsi eta eguneko helburu nagusia den Kamarakara iristeko.

Jaisteko, mendi-bizkarra jarraituko dugu, eta ondorengo lepora iritsi baino zertxobait lehenago ezkerretara hartuko dugu, bide zabal baten bila. Hegoalderantz, bide honek Torrontegieta izeneko irtenune batera eramango gaitu. Toki honetan, bide zabal hau utzi eta kare-harria azaleratzen den eremu batean zehar zuzen-zuzen maldan behera abiatzen den bidezidorretik jarraitu behar da. Bidezidor honek minutu gutxitan Ermuko Santutegira eramango gaitu.

Bidean ikusi beharrekoak
Arrastoa
Eranskina Tamaina
Kamaraka_1.gpx 85.82 KB

Komentariorik ez..

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi