Arritzaga erreka eta Malloetako amildegiaren artean zabaltzen den larre eremu gora-beheratsuan hainbat muino harritsu nabarmentzen dira eta horietako bat da Urgoitirena, Aldaon handiaren mendebaldeko hegian, Arbelo eta Egurtegi muinoen artean. 50 metroko gora-beherarik ez da Aldaon aldera lotzen duen lepotik, baina tontorra bera ondo bereizita ikusten da eta begiratoki ederra eskaintzen du inguruaren gainean. Badu txartelontzia tontorrean.