Zaraitzuko Itzalle herrixka mendiz inguraturik dago, Orlagatu eta Arburua izanik ezagunenak. Herritik iparrera, Aldu izeneko goi-ordoki bat dago, bi harkaitz lerro paralelo zorrotzek mugaturik. Harkaitz hauetatik garaiena Aldu edo Beortea izeneko mendia da. Haraino iristeko, baselizatik pasatzen den pista zabala hartu eta Aldu atakaraino joanen gara. Ordokiko zelaiak zuzen-zuzenean iparrerantz zeharkatu (harri handi batek gidatuko gaitu), azken zelaitxoan hasten den bidexkan gora abiatuko gara, gandor harritsura atera arte. Mendebaldera jarraituko dugu gandorrean barrena, plastikozko markak jarraituz Beortea harkaitzaren oinetaraino iritsi arte. Handik gorako bidea tximinia (II) nahiko deseroso bat da. Beortearen gandorra oso-oso estu eta zorabiagarria da, baina Nafarroako mendirik ezkutuenetako... eta “aereo”-enetakoan izanen gara.
Oso gertu (< 1.000 m)
Santa Ageda (suntsituta) eraikina (506 m.) ·
Ibilbideak
Komentarioak
Mapako edukiak aukeratu
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
Aldura igotzeko bide
zuriain·k bidalia 2008·ko Maiatzaren 20·an - 09:37etan·an
Aldura igotzeko bide errazago eta zuzenago bat jarriko dizuet, jarri nuen aurrekoa nahiko zaila eta nekeza baitzen ;). Oraingoan Ibiltzietatik (Zaraitzu) abiatuko gara. Herrixkaren goialdean pista zabal baina atsegin batek lehen mendebaldera eta berehala hegorantz gidatuko gaitu, Liturkina edo Xubiketa sakan estuan gora, Argaña haitza inguratuz. Bide atsegin horrek Aldu eta Santa Ageda gandorren artean estuturik egiten du gora mendebalderantz zuzen-zuzen. Azken mendi honetan baseliza zaharraren hondakinak daude. Azkenean lepo belartsu batera aterako gara (1061m)nondik Alduko gandorra ikusten ahal baitugu. Gure aurrean (mend.) bi pista ikusiko ditugu, baina kasurik ez. Horren ordez, lepotik hego-ekialdean dagoen beste pista zikinago bat hartuko dugu. Hemendik aurrera bidetik kanpo ibiliko gara. Pista zikina hogei bat metrora utzi eta zuzenean gandorrerantz eginen dugu, harkaitza eskuinetik inguratuz ezpelen artean. Lepo belartsu batera iritsiko gara, ikuspegi zoragarriekin. Gandorra inguratzen jarraituko dugu, harritik urrundu gabe. Berehala toki estu batera sartuko gara, non zuhaixkek zailduko baitigute aurreratzea. Baina estugunea laburra da eta berehala zabaltzen da. Harrizko bi horma erraldoien artean gaude. Eskuineko horman pasabidea bilatu behar dugu: pago sendo baten oinetan hasten den aldapa harritsu bat. Hasiera deserosoa da(estua da, harri txintxar eta ezpel ugari) baina laster aire zabalera aterako gara. Handik aurrerakoa eskalada (II) erraz baina apur bat zorabiagarria da. Alduko gailurrean egonen gara. On egin!
Igoera
mou·k bidalia 2012·ko Apirilaren 4·an - 12:11etan·an
Aurrekoan izan nintzen paraje hauetan ta Beorteara igo egin nintzen. Berez igo daitekeen mendia da, baina kontuz ibili behar da bereziki jetsieran. Horretarako informazioa baliagarria dezue (hemengo orrialdean ezezik) www.mendikat.net. Niretzat oso baliagarria gertatu zitzaidan horretarako Santa Agata eta Arazekin lepora joan pistatik eta gero beherantza pista beretik Sarries txabolaraino, baina txabolara gerturatu aurretik hesia pasa eta handik aurrera bidetxur txiki batek hegoaldeko isuritik gora eramango dizue harkaitz ingurura, goran zaudetela hesi bat ikusiko dezezue berau pasa eta gero bidea antzeko bat agertuko da (bidea diot zuhaizken adarrak moztuak daudelako)eta iparreko isurialdera pasako zarete, zertxo bait beherantza egin eta ikusiko duzue harkaizean pasillo edo tximini bat gora bertatik igo kontu handiz tontorrera.