Larrungo "itsasargi" ospetsutik mendebalderantz, Nafarroa Garaia eta Lapurdi arteko mugak mendien sokari jarraitzen dio, Intsolako sakanean murgildu aurretik. Lehen mailako mendi baten itzalean dauden gain gehienen antzera, Sugizeaga eta Larrun Txiki bazter geldituko dira mendizale gehienen txangoetatik. Hala ere, Larrungoak bezain ikuspegi ederrak eskaintzen dituzte, eta bi gailurrak zorrotzak, harritsuak eta zirragarriak dira (eta Larrun baino askoz ere bakartiagoak, bazter hauetan benetan eskertzen dena)