Errozate
inaxio (ez da egiaztatu)-k sortua, 2005, ekaina 9 - 22:18
| Garaiera |
1345 m |
| Mendialdea |
|
| Kokapena |
ED50 30T X.649030, Y.4767530
WGS84 43.043971 N, -1.171618 E. |
| Beste izenak |
Erroitzate |
| Abiapuntuak |
Beherobia, Orion mt., Ezterenzubi, Orbaizeta. |
| Gertu |
ERROZATE harrespila, HASKETA harrespila, ETXAATEKO LEPOA harrespila, ETXAATE BIZKARRA harrespila, ARTHEko Tontorra harrespila, ARTHE* harrespila, ETXAATE tumulua. |
| Lurraldeak |
Iparraldea. |
| Kategoriak |
EHMK. |
|
|
   |
Errozate, mendebaldeko ikuspegia
© zuriain
Errozate erraldoiak mila metroko hegiak goititzen ditu Beherobia herriaren gainean, iparralderantz gandor indartsuak luzatuz. Behean, oso behean, erraldoiaren harrizko adarrek harrapaturik gelditzen dira Antzolako oihana eta Errobi ibaia birsortzen den urbegi ederra. Beste hainbat sekretu eta harbitxi gordetzen ditu Errozate bere magaletan: Harpeako kobazuloa kasu, edo handik hurbil jaio eta pitzadura sakon batean desagertzen den Errobi ibaiaren sorburua.
Iparraldeko mendizaleek igoera gogorra dute Beherobiatik, eta hegoaldekoek Oriongo lepoko bide leunxeagoa ekin behar izaten diote. Denek, ordea, topo egin behar izaten dute mendi honen hegoaldeko hegia desitxuratzen duen errepidearekin.
M. Belaskoren liburuan irakur dezakegu mendi honen izena Erroitz (amildegi, osin) eta Ate hitzetatik datorrela.
Irudiak
 ***
 ****
 ***
 ***
 ***
 ***
 ***
 ****
 ***
 ****
 ***
 ***
 ****
 ***
 ***
|
Harpearen zaindari
Miguel Angulo handiari kasu eginez, ia beti bezala, Errozate noizbait igotzea zin egin nion neure buruari. Baina, lagun bati kasu ere eginez, Orbaizetatik egingo nuen igoera. Herri hau eta Irabiako pantanoa lotzen dituen pistaren erdian Oriongo lepoa aurkitzen da, gure abiapuntua. Ezkerretik ekin zelaiari eta berehala eskubian agertuko zaigu Mendizar tontor borobila, bisita merezi duena. Bere zilindrotik Orhi dugu tontorrik nabarmenena. Gure oinetan, Irabiako urtegia eta aurrean Abodiko mendizerra osoa, Berrenditik Ollokia mendateraino.
Gandorra jarraituko dugu, eguneko unerik gozagarrienean, panoramarekin gozatuz.
Piska bat jeitsi eta, Agustin Zuluagak esaten duen moduan, \"bajoia\": errepidearekin egingo dugu topo. Badakit zaila dela baina ikusiko ez bagenu bezala egingo dugu. Horretarako, zuzen ekingo diogu malda gogorrari, errepidea moztuz bere kurbetatik. Behintzat, goiko bistak oroitzekoak dira.
errozate
igoera polita,benetan esterenzubitik.....eta gogorra ere pasa den irailean joan nintzen lagunekin,bide batez arpea kobazulo famatua ikus daiteke baina ¡ay! gailurrean errepide eder bat dago ¡pena bat!