Illon eta Leire mendilerroen artean goi-ordoki luze bat zabaltzen da, Bigozari eta Castillonuevo herrien artean. Lur hauek abeltzaintzari loturik egon dira aspaldiaren aspaldietatik, hortxetik pasatzen baita erronkarriarren abelbide zaharra. Horren lekuko, hainbat monumentu megalitiko ikusgarri topa ditzakegu inguru hauetan. Hemen aipatzen dugun Grumalo mendiaren inguruan, Mata del Cleve, Puzalo eta Jorabilla trikuharriak eta Fuente de la pila zutarri handia daude.
Horiek ikusteko eta inguru ez oso ibili bat bisitatzea izan daitezke Grumaloko pinudi garbietan barrena abiatzeko aitzakiak.