Ibarrola (Irun) - Aitzondo - Irugurutzeta - Erlaitz - San Martzial ibilbidea

Lehenengo eta behin, GPS arrastoa ez da nirea, hemen duzue jatorria. Nik ibilbidea arrasto hori jarraituz egin nuen, aldaketa txiki batzuekin, baina nire GPSak huts asko egin zituen Aitzondoko errekaren inguruetan eta nahasgarri gerta daitekeenez, jatorrizkoa aipatu dut hemen. Nirea ikusi nahi izanez gero, hemen ikus dezakezue.

Ibilbide luze xamarra da, baina zailtasun gutxikoa, era askotako bidetatik eta ingurune desberdin askotatik pasatzen dena. Aipamen berezia merezi du Aitzondoko ur-jauziak, hori baita ibilbideko gunerik ikusgarri eta basatiena, eta baita meategietako trenbide zaharreko tunelen pasartea, hura ere ikusgarria (tunel motzak dira, ez da bestelako argirik behar).