Bertizko basoa mendebaldetik inguratzen duten mendien hegoaldeko azken gaina dugu Amaburu. Oieregi eta Oronoz-Mugairi gainean altxatzen da, parkeko bisitari ugarien begien bistan beti, baina banago gain xume honek ez duela mendizale askorik ikusten. Hala ere, bide egokiak ditu, trikuharri ugari inguruetan, eta beste hainbat mendirekin batera igotzeko aukera ere. Bai Bertizko aparkalekutik abiaturik, bai Oieregi herritik, Otaltzuko lepora zuzendu beharko dugu, eta bertatik, Bertizko mugari jarraiki, tontorrera iritsiko gara. Gailurra hegoaldera dago zabalik, eta paisaia zabala izanen dugu ukusgai bertatik.
M. Belaskoren hiztegiak dio mendi honen izena "ama" eta "buru" (gain) hitzetatik datorrela.