Bertizko basoa mendebaldetik inguratzen duten gainetako bat dugu Irubagoeta. Suspiroko lepotik iparraldera, aldapa gogor batekin agurtzen ditu bere tontorra zapaldu nahi duten mendizaleak. Adar oihantsu bat jaisten da Sunbilla aldera, Arrutela edo Estamu gaina jarriz herriaren gainean.
Kate honetako beste hainbat mendiren antzera, Bertizko basoak mugatuko digu Irubagoetako ikuspegia. Hala ere, tontorra zabalik dago mendebaldera eta paisaia politak miretsiko ditugu bertatik.