Skip to main content

Oberan mendia

inaxio·k

2015/01/11 - 11:25

Oberan tontorra | ©inaxio (20150110)
Altuera
413 m
Beste izenak
Urtieta · Urteta · Notixitxar
Abiapuntuak
Ugaldetxo (Hernani)
Lurraldea

Urdabururen Hegoaldean, Untzueko lepotik abiatuta, bizkar gorabeheratsu bat luzatzen da Añarbeko urtegiaren bailara Mendebaldetik itxiz. Hainbat gain nabarmentzen dira bizkar horretan eta Oberan izenekoa da denen artean gailentzen dena.

Egia esan, ez du ematen izenaren inguruan erabateko adostasuna dagoenik, izan ere izen desberdinekin aipatzen da batean eta bestean, bai bera eta bai ingurukoak, horietakoren bat nahiko xelebrea: Notixitxar. Urteta edo Urtieta izenaz ageri da hainbatetan, baina Oberan aukeratu dut hala ageri delako mapa berrienetan, Errenteriako mapa toponimikoan esaterako. HMko hurrengo tontorraren izena ere zalantzazkoa da, Saratsaga, Saratze eta Arribitarte izenekin ikusi dut.

Basoa da nagusi bai tontorrean eta bai bere hegi eta lepo guztietan, ez dago beraz zerikusi handirik basoa bera ez bada, ia erabateko pagadia. Tontorra bera 100 bat metroz bereizitako bi muinok osatzen dute, metroren bat garaiagoa delarik Ekialdekoa. Mendebaldeko gainak lotzen du Urdaburutik datorren bizkar luzera eta bertan hiru mugarrik seinalatzen dute Donostia eta Errenteria arteko muga.

Saratsagako gaina gertu gelditzen da, kilometro ingurura, gorabehera txiki bat aski da bertara iristeko. Oso metro gutxiko aldea dago bien artean garaierari dagokionez, hiruzpalau baino ez. Honen gainaldean haitz mutur batzuk ageri dira, Urumea aldera luzatzen diren bizkar harritsuen buruan. Erpin geodesikoa ere bada bertan.

Bertara heltzeko ibilbide egoki bat ezagutu nahi izanez gero, bada PR ibilbide bat (PR-Gi 1001) Ugaldetxotik abiatu eta itzuli eder bat eginez tontor hauetatik pasatzen dena.

Oso gertu (< 1.000 m)

Murruta zista (795 m.) ·

Ibilbideak

Ibilbidea Abiapuntua Gorabehera Nork
Oberan eta Saratze (PR-Gi 1001) Ugaldetxo 675 m inaxio

Komentarioak

  • account_circle

    mou·k bidalia 2015·ko Ekainaren 8·an - 09:30etan·an

    Kaixo mendizaleok.
    Atzo izan nintzen bertan, eta ingurua ederra iruditu zitzaidan, horretako Benta berri inguruan utzi kotxea, eta errepidea 200m inguru jetsi Goizuetako norabidean, eta ezkerrera doan bidea hartu beherantza. Zubia, baserria eta langa pasata eskubira jo marka txuri horiak jarraituaz aldapa gora. Ez dago galtzeko arriskurik. Bi tontor daude, lehenengoa erpin geodesikoa duena eta iratzeak tapatu egiten duena eta bigarrena hegora dagoena eta trikuharri bat duena tontorrean. Ibilbidearen iraupena ordu betekoa da, dena malda gora.
    Merezi duen txangoa da. Ondo izan.

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

Murruta zista (795 m.) ·

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi