Ekialdean, Benasako arroila bitan banatzen duen gandor ikusgarria dugu Peñaroya. Egiaz, malkar zorrotz hau Turendo mendiaren adar bat da, mendebalderantz luzatzen dena. Pinudi zabalek estaltzen dute mendi hau eta, harrigarriro, bide polit batek Coronasko errepidetik ekialdeko leporaino eramanen gaitu zailtasun handirik gabe. Gailurrerainoko azken metroak, ordea, nekez eta pekez eginen ditugu, karstak eta landaretza desatseginak elkar hartuko baitute gure hankak desegiteko. Honelako mendi bakarti gehienetan bezala, inor gutxik zapalduriko gailur batean egoteko saria jasoko dugu.
Oso gertu (< 1.000 m)
CLAVERITO trikuharria (847 m.) ·
Ibilbideak
Komentarioak
Mapako edukiak aukeratu
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
Inguru basatia.
mou·k bidalia 2021·ko Abuztuaren 13·an - 09:42etan·an
Kaixo mendizaleok.
Aurrekoan izan nintzen inguru hauetan eta Peñarroiaraino iritsi nintzen. Jakin bi aukera daudela, bata Benasako aparkalekutik ateratzen den pista hartu eta une oro bertatik joatea ordubete luzeko ibilbidean, eta behin hegoaldeko lepoan zaudetela, ezkerrean harripila batek markatzen duela tontorrerako bidea, non ehiztariek plastikozko zintak ipini dituzten eta galtzeko arriskurik ez dagoela, 5-10 minutuan tontorrean zaudete. Eta beste aukera da Benasako aparkalekutik ere abiatu eta gutxira seinalatua dagoen arroilatik doan bidea hartu eta pistaraino eramaten gaitu, inguruko paisaiaz gozatuz.
Oharra: Jakin Benasako aparkalekuan berebila uztekotan, ordaindu behar dela, hori bai oso goiz joaten bazerate, ez ordaintzeko aukera dezutela, baina itzulera ere ezin askorik luzatzekotan.
Ongi izan.
Izenaren idazkera
JAG·k bidalia 2021·ko Abuztuaren 31·an - 20:40etan·an
Ez dakit -i- ala -y- den euskaraz ortografia zuzena, baina ziurra da -rr- behar duela, ez -r-. Peñarroya (Peñarroia?), alegia. Ez da *Peñaroya. Ofizialki Peñarroya da. Jon
Zuzendu dut. Eskerrik asko
inaxio·k bidalia 2021·ko Irailaren 2·an - 08:02etan·an
Zuzendu dut. Eskerrik asko abisuagatik!