Beoain mendiaren mendebaldeko hegian nabarmentzen den tontor txikia da Egurtegi, Urgoiti bezala, Malloen ertzetik bereizita baina Arritzaga aldetik harro xamar ikusten dena. Ikuspegi zabala eskaintzen du bere tontorretik bestela ere oso soila den Aralarko alde horretan. Bada tontorrean txartelontzia, Urgoiti dela dioena, baina zerbitzu kartografikoen toponimian Egurtegi (b5m) eta Egurtoki (Eusko Jaurlaritza) bezala ageri da. Nolanahi Aralar aldeko larre ederretara igotzeko beste aitzakia egoki bat baino ez da, ez dio horrenbeste ajola zein duen izena. Ez du batere zailtasunik, baina bideak luze xamarrak dira nonahitik abiatuta ere. Gogoan hartu ingurura gerturatzen zareten hurrengorako.